Google ADS

“Do ta trembim për jetë Arsenalin” – trajneri i Tottenhamit me deklaratë të fuqishme para derbit londinez

19:46 | 22 Shtator 2023
KRG

Gjatë konferencës së tij për shtyp para ndeshjes, trajneri i Tottenham Hotspur, Ange Postecoglou u pyet nëse ata synojnë të luajnë ndryshe kundër Arsenalit në derbin e Londrës Veriore këtë fundjavë.

Australiani ka thënë se Spurs do të luajnë sikurse ndeshjet e kaluara, por që do të shkaktojnë frikë te Gunners.

“Për sa i përket mënyrës se si luajmë, ne nuk po ndryshojmë”, ka thënë Postecoglou.

“Ne do të dalim dhe do t’i trembim për jetë ata (Arsenalin)”.

Spurs kanë bërë një fillim të fortë të sezonit pavarësisht se kanë luajtur pa Harry Kane për herë të parë në vite. Ata kanë fituar katër ndeshje dhe kanë barazuar një herë deri më tani – njësoj si Arsenali.

Megjithatë, falë një diferencë golfi më të mirë, ata janë në vendin e dytë në renditjen e Ligës Premier. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm